نادي الفكر العربي

عساه ما يجيب زعل لا سيما بين الأحبة رغم أن الأمر لا يمكن تفاديه وهو بين الحين والآخر يشكل نوعاً من البهارات الضرورية في الحب، وبناءً عليه :D أعجبتني هذه الأغنية الحديثة "لنج" لمطرب سوري صاعد "شادي أسود" (يبدو أنه من خريجي سوبر ستار) وإليكم الكلمات ووصلة الأغنية؛ أدناه.

محبتي
طارق


بعدك زعلانة


بعدك زعلانة مني
قوليلي ردي علي
بعدك زعلانة

هالنظرة بتجنني
أنا وحياتك مافيي
شوفك زعلانة

ريتو يسلملي الزعلان
العامل حالو مش سئلان
بيقتلني برمشو النعسان
وعيونو الدبلانة

بعدك زعلانة مني
بعدك زعلانة



لومي علي وزيدي جنونك
ما بزعل والله
أنا عندي نظرات عيونك
بالدنيا كِلّا
كلِّ الدنيا تزعل مني
وتبقي رضيانة

ريتو يسلملي الزعلان
العامل حالو مش سئلان
بيقتلني برمشو النعسان
وعيونو الدبلانة

بعدك زعلانة مني
بعدك زعلانة

متل الوردة بأول عمرا
أنا بدي تكوني
وأغمرها وطوّل بالغمرة
وتسكن بعيوني

أنا ضايع وعيونك إنتي
بيتي وعنواني

وبعدك زعلانة مني
قوليلي ردي علي
بعدك زعلانة

هالنظرة بتجنني
أنا وحياتك مافيي
شوفك زعلانة

ريتو يسلملي الزعلان
العامل حالو مش سئلان
بيقتلني برمشو النعسان
وعيونو الدبلانة

بعدك زعلانة مني
بعدك زعلانة





بعدك زعلانة للتحميل

http://www.panet.co.il/downloadmusic.php


لا للتطبيع :angry: ..


خصوصا وأن الوصلة لا تعمل :23:.

لك شو تطبيع إنت التاني :D معقول أنا من تبعون التطبيع
هاي مجلة من تبعون عرب 48

وهاي الصفحة للمطرب
http://www.panet.co.il/ysc-media.php?ac=singer&sID=54

(f)

طارق وربي عم زرّكلك .. الظاهر أنك سهل التزريك :P

(f)

هههههههههاا

إي سهل التزريك وبتفشل بسرعة*
إي مهو أنت قاعد تشوه بسمعتي، هو أنا ناقص يا خويا :lol:
وبتقول هذا بيطبع وما بيطبع
خيو أنا ما بطبع غير بوسات على وجنة حبيبتي :D

والسلام على من اتبع الهدى
وإنا لله وإنا إليه لراجعون


الفاتحة
:duh:


*عقولة أخوتنا السعوديين

أنا معي هويه وباسبورت اسرائيلي وما حدا بيقدر يتهمني بالتطبيع، وعلى راي المثل "الغرقان ما بيخاف من الدنيا تمطر" أو المثل الآخر "أكثر من القرد ما مسخ الله":) ...

ههاهاهاها .. ذكرتوني بالدكتور جمال الصباغ، الله يمسيلي ياه بالخير (f) ..
قبل بضعة سنوات، التقيت الدكتور جمال على فنجان قهوة في مدينة صغيرة على حدود فرنسا، وعندما لججنا قليلاً في حديث طويل، قلت للدكتور: أنت حنبلي دكتور، أنت قومي أكثر من اللازم.
فأجاب وهو يضحك: أنت لم تعرفني أيام الشباب، فلقد كنت أعتبر من هو مثلك خائناً ..
استغربت، وسألته: ليش دكتور؟
أجاب: كنت أعتبر جميع "عرب 48" خونة، لأنهم يعيشون في دولة الكيان الصهيوني. أما اليوم فقد أصبحت معتدلاً بعض الشيء.
أجبت وأنا ابتسم مندهشاً: "لكان الله ستر وما عرفتك زمان" ...

(f)

صحيح طارق: اذا "زعلانه" منك اعطيني عنوانها ورقم تليفونها وأنا بصالحكن، وحياتك عندي ...

واسلموا لي
العلماني

علماني باشا
وأنت كل مادق الكوز بالجرة بتتذكرلي "جمال الصباغ"
بدي أفهم على شو بعدك بتحبو؟

على شكلو؟ على فكرو؟ على عقلو؟

غليظة بعرف

مقتبس:  Deena   كتب/كتبت  
علماني باشا
وأنت كل مادق الكوز بالجرة بتتذكرلي "جمال الصباغ"
بدي أفهم على شو بعدك بتحبو؟

على شكلو؟ على فكرو؟ على عقلو؟

ربما هي محبة صوفية على وزن "لأني وجدتك بتنحبّ فأحببتك" :P

مقتبس:  Deena   كتب/كتبت  
علماني باشا
وأنت كل مادق الكوز بالجرة بتتذكرلي "جمال الصباغ"
بدي أفهم على شو بعدك بتحبو؟

على شكلو؟ على فكرو؟ على عقلو؟

غليظة بعرف

لا، مانك غليظه ... حمصيه بس :)

:redrose:

الدكتور جمال من عمر أبي تقريباً. وهو رجل محترم جداً، ورغم اختلافي معه في بعض الأمور الفكرية، إلا أنني أقدره وأعزه.... أما عن "الحب"، فأنا "أحبك أنت" ... شو نسيتي؟ :) (وهلق رايح إزرع لك بستان ورود بموضوعك عن "عيد الحب" ) ...

واسلمي لي
العلماني

كونوا انشروا كذا..

[RAM]http://arabic.salmiya.net/songs/shady_a/ram/shady_a1.ram[/RAM]